ជនសង្ស័យ៨នាក់ ពាក់ព័ន្ធគ្រឿងញៀន ត្រូវបានកម្លាំងនគរបាល ឃាត់ខ្លួន
05-July-2019 | ដោយ ពលមនសិការ
កំពង់ចាម៖ កម្លាំងជំនាញការិយាល័យប្រឆាំងគ្រឿងញៀនខេត្តកំពង់ចាម សហការជាមួយកម្លាំងជំនាញអធិការដ្ឋាននគរបាលស្រុកកងមាស និងស្រុកមុខកំពូល បានឃាត់ខ្លួនជនសង្ស័យចំនួន៨នាក់ ពាក់ព័ន្ធករណីជួញដូរដោយខុសច្បាប់នូវសារធាតុញៀន កាលពីថ្ងៃទី០៤ ខែក្កដា ឆ្នាំ២០១៩ នៅវេលាម៉ោង១៦.០០នាទីនៅចំណុចភូមិវ៉ារិន្ទ២ ឃុំខ្ចៅ ស្រុកកងមាស ខេត្តកំពង់ចាម នៅវេលាម៉ោង១៦នឹង១០នាទី នៅចំណុចភូមិវ៉ារិន្ទ២ ឃុំខ្ចៅ ស្រុកកងមាស ខេត្តកំពង់ចាម។
លោកវរសេនីយ៍ទោ ជីវ សេងរស់ នាយការិយាល័យប្រឆាំងគ្រឿងញៀនខេត្តបានឱ្យដឹងថាក្នុងប្រតិបត្តិការខាងលើ ដោយទទួលបទបញ្ជាផ្ទាល់ពីលោកឧត្តមសេនីយ៍ទោ ឯម កុ សល ស្នងការនគរបាលខេត្តកំពង់ចាម កម្លាំងជំនាញបើកកិច្ចប្រតិបត្តិការបង្ក្រាបករណីជួញដូរដោយខុសច្បាប់នូវសារធាតុញៀន ដោយវិធានញុះញង់ឃាត់ខ្លួនជនសង្ស័យចំនួន០៨នាក់ ជាក់ស្តែងយកមកការិយាល័យជំនាញដើម្បីសាកសួរ។
លោកនាយការិយាល័យបន្តថាជនសង្ស័យទាំង៨នាក់រួមមានៈ
១-ឈ្មោះ ស្រិន អេងស្រ៊ុន ភេទប្រុស អាយុ២២ឆ្នាំ សញ្ជាតិខ្មែរ រស់នៅភូមិវ៉ារិន្ទ២ ឃុំខ្ចៅស្រុកកងមាស ខេត្តកំពង់ចាម។
២-ឈ្មោះ អាត ជ័យ ភេទប្រុស អាយុ២១ឆ្នាំ ជាតិខ្មែរ
៣-ឈ្មោះឡេង តូច ភេទប្រុស អាយុ១៤ឆ្នាំ ជាតិខ្មែរ
៤-ឈ្មោះច្រឹក វិចិត្រ ភេទប្រុស អាយុ៣៣ឆ្នាំ ជាតិខ្មែរ
៥-ឈ្មោះសំ ប៊ុនតុង ភេទប្រុស អាយុ៣៣ឆ្នាំ ជាតិខ្មែរ
៦-ឈ្មោះយុន ធី ភេទស្រី អាយុ៥២ឆ្នាំ ជាតិខ្មែរ អ្នកទាំង៥នាក់ រស់នៅភូមិស្វាយជ្រុំ ឃុំព្រែកដំបង ស្រុកមុខកំពូល ខេត្តកណ្តាល។
៧-ឈ្មោះ ណាត សុជាតិ ភេទប្រុស អាយុ២៨ឆ្នាំ ជាតិខ្មែរ រស់នៅភូមិឡឥដ្ឋ ឃុំព្រែកដំបង ស្រុកមុខកំពូល ខេត្តកណ្តាល។
៨-ឈ្មោះខែម ថេន ភេទប្រុស អាយុ២៩ឆ្នាំ ជាតិខ្មែរ រស់នៅភូមិព្រីងជ្រុំ ឃុំព្រីងជ្រុំ ស្រុកជើងព្រៃ ខេត្តកំពង់ចាម។
ដកហូតវត្ថុតាងរួមមានៈ ម្សៅក្រាមពណ៌សចំនួន០៧កញ្ចប់(ធំ០១កញ្ចាប់), ទូរស័ព្ទដៃចំនួន០៦គ្រឿង, សម្ភារៈវិចខ្ចប់ឧបករណ៍សេពមួយចំនួនធំ, ជញ្ចីងអេឡិចត្រូនិចចំនួន០១និងប្រាក់ញុះញង់ចំនួន៥០០០០រៀល។
បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនជនសង្ស័យខាងលើទៅអយ្យការអមសាលាដំបូងខេត្តដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ12051
- ម្សិលមិញ14181
- សប្តាហ៍នេះ12051
- ខែនេះ127201
- ឆ្នាំនេះ127201
- សរុប20569657